Long metratge documentari de Francis Fourcou (2023) amb la votz de Muriel Batbie Castell (narracion).

Al còr de las planas grandas dels indians Osages, natius americans d’Oklahoma, amb Isabelle, cantaira occitana e Chelsea, poetessa Osage, partejam l’istòria e los combats dels pòbles amerindians, lor civilizacion e lor lenga renaissenta. En camin, dins un viatge simetric en País d’Òc, dins un partatge de las culturas, descobrissèm l’incredible viatge de 1829 dels Osages a Montalban, e la solidaritat d’una vila qu’a permés lor retorn en tèrra indiana…

Crosam Martin Scorsese en tornatge en tèrra Osage, los bisons tornats dins la Tallgrass reserve, las calandretas occitanas e las escòlas mairalas Osages, lo Cap Standing Bear, Montsegur o la memòria de Wounded Knee, las identitats e las fraternitats de dos pòbles…

Muriel Batbie Castell acompanha Chelsea Tayrien Hicks dins la cauna de Niaux a la descobèrta de las pinturas preïstoricas de bisons aital coma a Montsegur a la descobèrta de l’espiritualitat catara. Un rencontre pel biais del cant e de la poesia.