Dins aquel recital creat a partir de l’obratge Florilège poétique des Langues de France (alsacian, basc, breton, catalan, còrse, occitan), primièra antologia bèla consacrada a las lengas de França e coordonada per Marie-Jeanne Verny e Norbert Paganelli (ed. Le Bord de l’Eau, prefàcia de J.Pierre Siméon), Muriel Batbie Castell causís de ne cercar mai d’una possibilitat long d’un percors exigent, proessa vocala e lingüistica a l’encòp, amb alternància dels cants a capella o acompanhats a la guitarra, e las lecturas poeticas en sèt lengas, lo tot menat coma un raconte de viatge. Originària de Tolosa, la cantaira seguiguèt un doble cursus : formacion musicala en Conservatòris amb una especialisacion en musica anciana, e tanben universitària en letras, lengas e arts amb una especialisacion en lenga occitana. Uèi se consacra, en mai de las activitats artisticas e pedagogicas, a l’interpretacion d’òbras poeticas ancianas o contemporanèas.
~ Sason 1 : torn 2019 ~
- lo 6 de febrièr a Bezièrs (Creacion al CIRDOC)
- lo 9 de julhet a Nimes (Universitat Occitana d’Estiu)
- lo 11 de julhet (capèla de Massals, Tarn)
- le 19 de julhet a Rodés (L’Estivada)
- le 8 de septembre a Belmont de Lèza (fetenal «les Troubadours chantent l’art roman»
- le 29 de septembre a Bezièrs (Chapiteaux du Livre 2019)
- le 18 d’octobre a Donibane Lohizune (collòqui Flarep – St jean de Luz)
- le 6 de decembre a Bastia (Mediatèca patrimoniala)
~ Sason 2 : album 2020 ~
En seguit del torn 2019, las edicions Troba Vox prepausèron a la cantaira de realizar l’enregistrament d’un album (studio Producson, Tolosa febrièr de 2020) :
- votz, composicions, guitarra : Muriel Batbie CASTELL
- arpa : Anne-Claire CAZALET
Son 17 autors e 17 títols en 6 lengas (alsacian, basc, breton, catalan, còrse, occitan)
